|
Olienhoutlaan BIRCHLEIGH Tel: (011) 972-2127/8 Faks: (011) 972-1860 |
|
Posbus 6025 BIRCHLEIGH 1621 |
|
Ek wil graag verseker dat dit vir al die personeel by Laerskool Birchleigh van kardinale belang is dat u kind kwaliteit onderrig sal geniet. Opvoeding in die hedendaagse stelsel is ‘n groot uitdaging maar nog ‘n groter verantwoordelikheid - ‘n taak wat ouers nie kan verplaas na die skool toe nie - eerder moet die benadering wees dat die ouers en die skool vennote is in die opvoedingstaak. Ons kundige personeel het jare ondervinding en hulle sal u graag bystaan om u kind se skoolloopbaan ‘n onvergeetlike mylpaal te maak. Dit is vir ons ‘n voorreg om betrokke te wees by u kind se opvoeding. Laerskool Birchleigh handhaaf ‘n sterk Christelike opvoedingstyl en volgens die plan van die Meesterargitek is ons personeel bouers van formaat - om koninkrykskinders te vorm vir die toekoms. Vandag begin u kind se laerskoolloopbaan, en hoewel sewe jaar lank mag klink, vertrou ek dat dit vir u en u kind ‘n ongelooflike verrykende ervaring sal wees en dat u, soos ons skool se leuse dit stel, die GROEI in u kind se kennis en persoonlikheid sal waarneem. Ek nooi u uit om ter enige tyd myself of die personeel te nader sou u iets met ons wil bespreek - dit is vir die skool belangrik dat ope kommunikasiekanale reeds vanuit die staanspoor gevestig sal word tot die voordeel van u kind. Ek wil u bedank dat u Laerskool Birchleigh gekies het as skool vir u kind en wil u verseker dat ek en my personeel alles binne ons vermoëns sal doen om te verseker dat u kind sy / haar laerskoolloopbaan ten volle sal geniet. Mag die klein boompies wat ons vandag plant, oneindig baie vrugte dra in die toekoms! Vriendelike groete Danie Störm (Skoolhoof) |
|
Kontak ons: |
|
Posbus 6025 Birchleigh 1621 |
|
Jou kind kan sy geleerdheid nog by die skool agterlaat; sy opvoeding sal hom in die toekoms vergesel. - CJ Langenhoven |
|
LAERSKOOL BIRCHLEIGH |
|
Tuisblad |
|
Baie welkom by die webwerf van ons skool! Daar is verskeie “eerstes” in ‘n mens se lewe - ons almal ken die eerste treetjie, eerste tand, en weliswaar is dit nou die eerste skooldag! ‘n Wonderlike gebeurtenis in enige kind (en ouer) se lewe, ‘n dag om op trots te wees en ‘n dag wat in die toekoms nog vir lank onthou sal word. Of dit nou die eerste keer is dat u, u kind by ‘n skool inskryf of die soveelste keer, is dit tog opvallend dat almal altyd op die eerste dag dieselfde emosies deel: al die kinders het vlinders op die maag, al die mammas het trane in die oë, en al die pappas knoppe in die keel - en daar is niks daarmee verkeerd nie!
|
|
Website developed by: QDW - Nalize - 083 320 5501 Weekliks opdateer deur: Amanda Snyman |
